“Бизнесийн тогтвортой хөгжлийг сайжруулах ил тод байдлыг нэмэгдүүлэхэд жижиг дунд бичил бизнесийн санхүүжилтийн хэрэгжилт, үр дүн” сэдэвт нийтийн сонсголыг 2021 оны 11 сарын 25-ны өдөр Завхан аймгийн иргэдийн Төлөөлөгчдийн Хурал, ЗДТГ, ХАҮТ, BEST хөтөлбөр, Завхан аймгийн ИНБ-уудын “ХӨГЖИЛД ХАМТДАА” сүлжээ хамтран зохин байгууллаа.

        Уг арга хэмжээг Аймгийн ИТХ-ын дарга Ц.Улам-оргих нээж үг хэлсэн бөгөөд “ЖДБ-ийг дэмжих бодлого, зорилт” сэдвээр Аймгийн Засаг дарга Д.Түвшинжаргал, “Ажлын байр дэмжих зээлийн хэрэгжилт үр дүн” сэдвээр Монгол банкны захирал Б.Амартүвшин, “ЖДҮДС-ийн журмын хэрэгжилт үр дүн” сэдвээр ХХААГ-ын дарга Н.Батбаяр, “Улиастай сумын СХС-ийн зээлийн хэрэгжилт” сэдвээр Улиастай сумын ЖДҮ хариуцсан мэргэжилтэн Б.Баярмаа, “Хөдөлмөр эрхлэлтийг дэмжих бодлого хэрэгжилт үр дүн” сэдвээр ХХҮГ-ын мэргэжилтэн Г.Пүрэвдорж, “Бизнесийн тогтвортой хөгжлийг сайжруулах, ил тод байдлыг нэмэгдүүлэх BEST хөтөлбөрийн зорилго зорилт” сэдвээр М.Цэрэгдулам нар илтгэл тавьж, сонсголын төгсгөлд иргэдээс ирсэн асуултад хариулж санал хүсэлтийг нь сонслоо.